|
Rikthehen fuqishëm rok grupi “Ilirët”
Një tekst me fragmente komike do ta shoqërojë këngën më të re të grupit “Ilirët”, ndërsa një klip i punuar me shumë mjeshtëri, shumë shpejt do të lansohet nëpër të gjitha televizionet tona, duke shënuar kështu një rikthim të fuqishëm të rok grupit “Ilirët”.
“Kemi realizuar këngën më të re dhe besojmë se për dy apo tre ditë ajo do të transmetohet nëpër televizionet tona”.
“Kënga titullohet “Mixha Mursel” dhe në këtë këngë flitet për një njeri i cili tashmë është plakur e që kishte jetuar një jetë të lehtë dhe pa çarë kokën për asgjë”, ka deklaruar për “Infopress”, lideri i grupit “Ilirët”, Shemsi Krasniqi, por duke mos folur më shumë për tekstin e këngës.
Klipi, i cili është xhiruar në disa vende të ndryshme, është realizuar nën regji të Shpiksi.
|
