|
Zajmina: Seksualiteti nuk mjafton për sukses
Këngëtarja Zajmina Vasjari ka befasuar sërish gjithë publikun shqiptar me klipin e ri, këngën dhe dukjen tashmë të ndryshuar.
Nën tingujt e Elgit Dodës dhe vargjet e Big Bastës, Zajmina solli këtë herë këngën që do të përbëjë pa diskutim një nga hitet e kësaj vere, “Problemin”.
Ajo ka bërë të ditur se gjatë xhirimeve, skenat më të lodhshme dhe komike në kanë qenë ato me krevatin.
“Skena e krevatit ka qenë më e lodhshmja dhe komikja njëkohësisht për mua. Ka zgjatur shumë më shumë se të tjerat, pasi unë isha me taka sipër krevatit dhe për pjesët kur më duhej të ecja, janë bërë pafundësisht dubla ngaqë më ngatërroheshin këmbët dhe rrëzohesha”, ka thënë Zajmina për Bluetooth.
Sipas saj, nuk mjafton “vetëm seksualiteti” për të qenë një këngëtare e suksesshme.
Ndërkohë, këngëtarja shqiptare ndodhet e pranishme në Festivalin “Çelësi Muzikor” në Kosovë për finalen e tij.
|
