Albërije Hadërgjonaj editon album të ri këtë muaj


Ky muaj do të jetë muaji i editimit të albumit më të ri të këngëtares Albërije Hadërgjonaj. Gjithashtu ajo ka realizuar edhe një videoklip të njërës nga këngët e albumit, i cili do të jetë në televizionet tona këtë muaj. “Do të dalë albumi i ri me një spot të ri, album që e kam bërë më shumë për masën sesa për Albërijen”, thotë ajo, ndërkaq shton se në këtë album ajo ka eksperimentuar, për të qenë ky album më i pranueshëm nga publiku. Këngën “Lozonjare” do ta sjellë sërish në një mënyrë të re, për t’ua rikujtuar publikut.

Albërijes i pëlqen të jetë tradicionale

Duke qenë se Albërija është këngëtare me një karrierë ë skenën e muzikës shqiptare, asaj i ka rënë të eksperimentojë, duke u munduar t’u përshtatet shijeve të publikut. Pavarësisht se ndonjëherë ka bërë ndonjë ndryshim të dukjes në videoklipe apo edhe të natyrës së këngës, thotë se më shumë i pëlqen të mbetet tradicionalja. “Duke parë që po bëhemi pak si modern, them që të rri unë ajo katundarja që kam qenë, t’i ruaj vlerat, të rikujtoj vlerat tona, për të ngjallur më shumë atë”, thekson Hadërgjonaj.

Thashethemet

Gazetarët ndonjëherë për të qenë ndoshta pjesë e një skandali të vogël, bëjnë gjëra të tilla, thashetheme, por këto gjëra nuk shkojnë shumë. Unë nuk jam VIP, nuk e dua jetën kështu, jam nënë e fëmijëve dhe nuk dua që me jetën time të tallen.
Vajza ndjek rrugën e së ëmës
Vajza ime Angjelina do të dalë në treg me dy e videoklipe këtë verë. Unë kisha dëshirë të pushonte edhe këtë vit, por Enis Presheva është ai që e ka shtyrë për të dalë këtë vit, i cili i ka bërë dy hite të bukura. Ndërsa ndonjë bashkëpunim me vajzën, ndoshta do ta kem më vonë.